Category: ഞരമ്പ്‌ രോഗം


കൊച്ചി: സോഷ്യല്‍ നെറ്റ്‌വര്‍ക്കിങ് വെബ്‌സൈറ്റായ ഫേസ്ബുക്കിലൂടെ പെണ്‍കുട്ടികളെ ശല്യം ചെയ്ത യുവാവ് പിടിയില്‍. തൂത്തുക്കുടി സ്വദേശി അജയ്(27)ആണ് അറസ്റ്റിലായത്. പാലാരിവട്ടം സ്വദേശിയായ ഇവന്‍റ് മാനേജ്‌മെന്‍റ് കമ്പനിയുടമ അയൂബിയുടെ ഫേസ്ബുക്ക് അക്കൗണ്ട് ഹാക്ക് ചെയ്താണ് കമ്പനിയുടെ ചീഫ് ഓപ്പറേറ്റിങ് ഓഫീസറായിരുന്ന അജയ് സ്ത്രീകളെ ശല്യംചെയ്തിരുന്നത്.

അയൂബിയുടെ ഫേസ്ബുക്ക് പാസ്‌വേഡ് ഹാക്ക് ചെയ്ത അജയ് സ്വന്തം മൊബൈല്‍ഫോണും ബാംഗ്ലൂരിലേയും കൊച്ചിയിലേയും ഇന്‍റര്‍നെറ്റ് കഫേകളുമാണ് തട്ടിപ്പിന് ഉപയോഗിച്ചത്. അയൂബിയുടെ സുഹൃത്തുക്കളായ പെണ്‍കുട്ടികളോട് അയൂബിയാണെന്ന വ്യാജേന ചാറ്റ് ചെയ്ത ഇയാള്‍ അപമര്യാദയായി പെരുമാറുകയായിരുന്നു. പുതുതായി സൃഷ്ടിച്ച ഇമെയില്‍ വിലാസം നല്‍കിയ ശേഷം മോഡലിങ് ആവശ്യത്തിനായി ഫോട്ടോകള്‍ അയച്ചുതരാന്‍ ആവശ്യപ്പെടുകയും ചെയ്തു. തുടര്‍ന്ന് പാലാരിവട്ടം സ്റ്റേഷനില്‍ അയൂബി നല്‍കിയ പരാതിയെ തുടര്‍ന്നായിരുന്നു അറസ്റ്റ്. വെള്ളിയാഴ്ച രാത്രി കെ.എസ്.ആര്‍.ടി.സി ബസ് സ്റ്റാന്‍ഡ് പരിസരത്തുനിന്ന് നോര്‍ത്ത് സി.ഐ. എം.രമേഷ്‌കുമാറും സംഘവും ചേര്‍ന്നാണ് ഇയാളെ പിടികൂടിയത്. കോടതിയില്‍ ഹാജരാക്കിയ പ്രതിയെ ജുഡീഷ്യല്‍ കസ്റ്റഡിയില്‍ വിട്ടു.

കടപ്പാട് – മാതൃഭൂമി

Advertisements

തിരുവനന്തപുരം: മുന്‍ കേന്ദ്രമന്ത്രി ശശിതരൂരിന് ഇ-മെയിലിലൂടെ വധഭീഷണി. തരൂര്‍ ഡി.ജി.പി.ക്ക് നല്‍കിയ പരാതിയെത്തുടര്‍ന്ന് സൈബര്‍ പോലീസ് അന്വേഷണം തുടങ്ങി.

പട്ടത്തുള്ള സൈബര്‍ സ്റ്റേഷനില്‍ കേസ് രജിസ്റ്റര്‍ ചെയ്തു. പോലീസ് നടത്തിയ അന്വേഷണത്തില്‍ സൗദി അറേബ്യയില്‍ നിന്നാണ് ഇ-മെയില്‍ വന്നിട്ടുള്ളതെന്നാണ് പ്രാഥമിക വിവരം. ഏപ്രില്‍ 29, മെയ് 9, 12, 14, 27 തീയതികളിലാണ് തരൂരിന് ‘സുജിത്‌ജോണ്‍’ എന്നയാള്‍ ഇ-മെയില്‍ അയച്ചത്. സോണിയാഗാന്ധിയുടെ പരിചയത്തിലുള്ള ആളാണ് താനെന്നും തരൂരിനെയും കുടുംബത്തെയും ഇല്ലായ്മ ചെയ്യാന്‍ ഒരുസംഘം ആള്‍ക്കാര്‍ ഗൂഢാലോചന നടത്തുകയാണെന്നും അവരെക്കുറിച്ച് വിശദാംശങ്ങള്‍ തനിക്കറിയാമെന്നുമാണ് ഇ-മെയിലിലുള്ളത്. അഞ്ചുദിവസങ്ങളിലായി ഏഴ് ഇ-മെയിലുകളാണ് തരൂരിന് ലഭിച്ചത്. ജൂണ്‍ പത്തിനാണ് തരൂര്‍ ഡി.ജി.പിക്ക് പരാതി നല്‍കിയത്.

ഐ.പി.എല്‍. വിവാദക്കാലത്ത് തരൂരിന് നിരവധി തവണ ഇ-മെയില്‍ ഭീഷണി ലഭിച്ചിരുന്നു. മന്ത്രിസ്ഥാനം രാജിവെയ്ക്കണമെന്നും ഇല്ലെങ്കില്‍ വകവരുത്തുമെന്നുമായിരുന്നു അന്നത്തെ ഭീഷണി. ആ കേസ് ഡല്‍ഹി പോലീസ് അന്വേഷിക്കുകയാണ്.

കടപ്പാട് – മാതൃഭൂമി

തിരുവനന്തപുരം: നായര്‍ സമുദായത്തിനെ അവഹേളിക്കുന്നതരത്തില്‍ ലേഖനങ്ങള്‍ പ്രസിദ്ധീകരിച്ച വെബ്‌സൈറ്റ് ഉടമ സൈബര്‍ പോലീസിന്റെ പിടിയിലായി. നായര്‍ സര്‍വീസ് സൊസൈറ്റിയുടെ പരാതിയെത്തുടര്‍ന്ന് ഹൈടെക് സെല്‍ നടത്തിയ അന്വേഷണത്തിലാണ് പ്രതിയെ കണ്ടെത്തിയത്.

http://www.vichitrakeralam.blogspot.com എന്ന ബ്ലോഗ് നടത്തുന്ന ചേര്‍ത്തല തുറവൂര്‍ സ്വദേശി ഷൈന്‍.കെ.വി.യാണ് സൈബര്‍ പോലീസിന്റെ പിടിയിലായത്. കഴിഞ്ഞ കുറേ മാസങ്ങളായി നായര്‍ സമുദായത്തെ മോശമായി ചിത്രീകരിച്ച് നിരവധി പോസ്റ്റുകള്‍ (ബ്ലോഗിലെ ലേഖനങ്ങള്‍) ഈ ബ്ലോഗില്‍ പ്രസിദ്ധപ്പെടുത്തിയിരുന്നു. നായര്‍ എന്ന പദത്തിന്റെ അര്‍ത്ഥം, നായര്‍ പൈതൃകം തുടങ്ങിയ വിഷയങ്ങളില്‍ അപകീര്‍ത്തിയുണ്ടാക്കത്തക്കവിധമുള്ള ലേഖനങ്ങളാണ് ഈ ബ്ലോഗില്‍ പ്രത്യക്ഷപ്പെട്ടിരുന്നത്. ‘ദശകങ്ങള്‍ നീണ്ട ജീവിതത്തില്‍ നിന്ന് ഞാന്‍ മനസ്സിലാക്കിയ കാര്യങ്ങള്‍ വെട്ടിത്തുറന്ന് എഴുതുകയാണ് ഇവിടെ……നിങ്ങള്‍ പറയുന്നത് കേള്‍ക്കാനും മറുപടി പറയാനും എനിക്ക് താല്പര്യമില്ല. അതിനാല്‍ ആരും അഭിപ്രായം പറയാന്‍ ഇങ്ങോട്ട് വരേണ്ടതില്ല….’ എന്നാണ് ബ്ലോഗിന്റെ മുഖവാക്യം.

നായര്‍ സമുദായത്തെ അധിക്ഷേപിക്കുന്ന തരത്തില്‍ നിരവധി പോസ്റ്റുകള്‍ ഈ ബ്ലോഗില്‍ തുടര്‍ച്ചയായി പ്രത്യക്ഷപ്പെട്ടതിനെത്തുടര്‍ന്ന് എന്‍.എസ്.എസ്.ജനറല്‍ സെക്രട്ടറി പി.കെ.നാരായണപ്പണിക്കര്‍ കഴിഞ്ഞമാസം ഡി.ജി.പിക്ക് പരാതി നല്‍കിയിരുന്നു. ഡി.ജി.പി പരാതി ഹൈടെക് സെല്ലിന് കൈമാറി. ഹൈടെക് സെല്‍ നടത്തിയ അന്വേഷണത്തില്‍, ചേര്‍ത്തലയില്‍ നിന്നാണ് ഈ ബ്ലോഗിലേക്ക് ലേഖനങ്ങള്‍ പോസ്റ്റ് ചെയ്തിട്ടുള്ളതെന്ന് മനസ്സിലായി. തുടര്‍ന്ന് ബ്ലോഗ് ഉടമയെ കണ്ടെത്തുകയും സൈബര്‍ പോലീസ്‌സ്റ്റേഷന് കൈമാറുകയും ചെയ്തു. ഈ ബ്ലോഗിലെ വിവാദലേഖനങ്ങളിലേക്കുള്ള പൊതുലിങ്ക് ഒഴിവാക്കിയിട്ടുണ്ട്. എന്നാല്‍ ഈ പ്രത്യേക ബ്ലോഗ്ഗ്രൂപ്പില്‍ അംഗമായിട്ടുള്ളവര്‍ക്ക് ഇപ്പോഴും ഇത് കാണാം. വെബ്‌സൈറ്റ് സൗകര്യം ദുരുപയോഗം ചെയ്തതിന് ഇന്ത്യന്‍ ഐ.ടി.നിയമ പ്രകാരവും വര്‍ഗീയ പ്രശ്‌നങ്ങളുണ്ടാക്കിയതിന് ഐ.പി.സി 153 എ വകുപ്പ് പ്രകാരവും പ്രതിക്കെതിരെ കേസ് രജിസ്റ്റര്‍ ചെയ്തിട്ടുണ്ട്.

കടപ്പാട് – മാതൃഭൂമി

നായര്‍ സമുദായത്തെ അപകീര്‍ത്തിപ്പെടുത്തി ബ്ലോഗ്‌; ശംഖുവരയന്‍ കുടുങ്ങി

തിരുവനന്തപുരം: നായര്‍ സമുദായത്തിനെ അവഹേളിക്കുന്ന തരത്തില്‍ ബ്ലോഗില്‍ ലേഖനങ്ങള്‍ പ്രസിദ്ധീകരിച്ച വെബ്‌സൈറ്റ്‌ ഉടമയെ സൈബര്‍ പോലീസ്‌ അറസ്‌റ്റുചെയ്‌തു. നായര്‍ സര്‍വീസ്‌ സൊസൈറ്റിയുടെ പരാതിയെത്തുടര്‍ന്ന്‌ ഹൈടെക്‌ സെല്‍ നടത്തിയ അന്വേഷണത്തിലാണ്‌ പ്രതി കുടുങ്ങിയത്‌. ‘വിചിത്രകേരളം എന്ന ബ്ലോഗിന്റെ ഉടമയായ ചേര്‍ത്തല തുറവൂര്‍ സ്വദേശി കെ.വി. ഷൈനാണ്‌ സൈബര്‍ പോലീസിന്റെ പിടിയിലായത്‌. കഴിഞ്ഞ കുറേ മാസങ്ങളായി നായര്‍ സമുദായത്തെ മോശമായി ചിത്രീകരിച്ച്‌ ഒട്ടേറെ പോസ്‌റ്റുകള്‍ ഈ ബ്ലോഗില്‍ പ്രസിദ്ധീകരിച്ചിരുന്നു. ശംഖുവരയന്‍ എന്നാണ്‌ ബ്ലോഗില്‍ പ്രൊഫൈല്‍ പേര്‌ നല്‍കിയിരിക്കുന്നത്‌.

നായര്‍ എന്ന പദത്തിന്റെ അര്‍ത്ഥം, നായര്‍ പൈതൃകം തുടങ്ങിയ വിഷയങ്ങളില്‍ അപകീര്‍ത്തിയുണ്ടാക്കത്തക്കവിധമുള്ള ലേഖനങ്ങളാണ്‌ പ്രസിദ്ധീകരിച്ചിരുന്നത്‌.ദശകങ്ങള്‍ നീണ്ട ജീവിതത്തില്‍ നിന്ന്‌ ഞാന്‍ മനസ്സിലാക്കിയ കാര്യങ്ങള്‍ വെട്ടി തുറന്നു എഴുതുകയാണ്‌ ഇവിടെ. ചിലത്‌ അതിഭയങ്കരം ആയേക്കാം.അതിയായ താല്‌പര്യമുള്ളവര്‍ മാത്രം വായിച്ചാല്‍ മതി. ഈ മുന്നറിയിപ്പ്‌ അവഗണിച്ചു വായിക്കുന്നവര്‍ക്ക്‌ ചിത്തഭ്രമം ബാധിച്ചാല്‍ ഞാന്‍ ഉത്തരവാദി ആയിരിക്കില്ല. നിങ്ങള്‍ പറയുന്നത്‌ കേള്‍ക്കാനും അതിനു മറുപടി പറയാനും എനിക്ക്‌ താല്‌പര്യമില്ല. അതിനാല്‍ ആരും അഭിപ്രായം പറയാന്‍ ഇങ്ങോട്ട്‌ വരേണ്ടതില്ല- വാണിങ്‌ എന്ന്‌ വ്യക്‌തമാക്കിക്കൊണ്ട്‌ ബ്ലോഗില്‍ ഇങ്ങനെ എഴുതിയിരിക്കുന്നു.

നായര്‍ സമുദായത്തെ അധിക്ഷേപിക്കുന്ന തരത്തില്‍ പോസ്‌റ്റുകള്‍ പ്രത്യക്ഷപ്പെട്ടതിനെത്തുടര്‍ന്ന്‌ എന്‍എസ്‌എസ്‌ ജനറല്‍ സെക്രട്ടറി പി.കെ.നാരായണപ്പണിക്കര്‍ ഏപ്രില്‍ മാസത്തില്‍ ഡിജിപിക്ക്‌ പരാതി നല്‍കിയിരുന്നു. ഡിജിപി പരാതി ഹൈടെക്‌ സെല്ലിന്‌ കൈമാറി. ഹൈടെക്‌ സെല്‍ നടത്തിയ അന്വേഷണത്തില്‍, ചേര്‍ത്തലയില്‍ നിന്നാണ്‌ ഈ ബ്ലോഗിലേക്ക്‌ ലേഖനങ്ങള്‍ പോസ്‌റ്റ് ചെയ്‌തിട്ടുള്ളതെന്ന്‌ മനസ്സിലായി. തുടര്‍ന്ന്‌ ബ്ലോഗ്‌ ഉടമയെ കണ്ടെത്തുകയും സൈബര്‍ പോലീസ്‌ സ്‌റ്റേഷന്‌ കൈമാറുകയും ചെയ്‌തു.

സൈബര്‍ പൊലീസ്‌ ഗൂഗിളിന്റെ അധികൃതരുമായി ബന്ധപ്പെട്ടു കംപ്യൂട്ടറിന്റെ ഐപി അഡ്രസ്‌ കണ്ടെത്തിയാണു പ്രതിയെ കുടുക്കിയത്‌. ജോര്‍ജ്‌ ജോസ്‌ഫ് എന്ന വ്യാജ പേരുപയോഗിച്ചാണു ബ്ലോഗ്‌ നിര്‍മിച്ചത്‌. വെബ്‌സൈറ്റ്‌ സൗകര്യം ദുരുപയോഗം ചെയ്‌തതിന്‌ ഇന്ത്യന്‍ ഐ.ടി.നിയമ പ്രകാരവും വര്‍ഗീയ പ്രശ്‌നങ്ങളുണ്ടാക്കിയതിന്‌ ഐപിസി 153 എ വകുപ്പ്‌ പ്രകാരവും പ്രതിക്കെതിരെ കേസ്‌ രജിസ്‌റ്റര്‍ ചെയ്‌തിട്ടുണ്ട്‌. ഇയാള്‍ ഉപയോഗിച്ചിരുന്ന കംപ്യൂട്ടര്‍ ഹാര്‍ഡ്‌ ഡിസ്‌ക്, ഇന്‍ര്‍നെറ്റ്‌ മോഡം എന്നിവ പൊലീസ്‌ പിടിച്ചെടുത്തു. കൂടുതല്‍ പരിശോധനയ്‌ക്കായി ഇവ ഫോറന്‍സിക്‌  ലാബിലേക്ക്‌ അയച്ചു

കടപ്പാട് – മംഗളം

നായര്‍ സമുദായത്തിനെതിരെ ഇന്റര്‍നെറ്റ് വഴി ദുഷ്പ്രചാരണം; യുവാവ് അറസ്റ്റില്‍

തിരുവനന്തപുരം: നായര്‍ സമുദായത്തെ അപമാനിക്കുന്ന തരത്തില്‍ ഇന്റര്‍നെറ്റ് വഴി ദുഷ്പ്രചാരണം നടത്തിയ യുവാവിനെ സൈബര്‍ പോലീസ് അറസ്റ്റ് ചെയ്തു. ചേര്‍ത്തല തുറവൂര്‍ സ്വദേശിയും എറണാകുളം ടെക്നിക്കല്‍ സ്കൂളിലെ ക്ലാര്‍ക്കുമായ കെ.വി. ഷൈന്‍(37) ആണുപിടിയിലായത്. ഇയാളെ പിന്നീടു ജാമ്യത്തില്‍ വിട്ടു. ഇന്റര്‍നെറ്റില്‍ ബ്ലോഗിങ്ങിലൂടെയായിരുന്നു സമുദായത്തിന് എതിരായ പരാമര്‍ശങ്ങള്‍. എന്‍എസ്എസ് ജനറല്‍ സെക്രട്ടറി പി.കെ. നാരായണപ്പണിക്കര്‍ നല്‍കിയ പരാതിയുടെ അടിസ്ഥാനത്തിലാണ് അറസ്റ്റ്.

ഇയാള്‍ ഉപയോഗിച്ചിരുന്ന കംപ്യൂട്ടര്‍ ഹാര്‍ഡ് ഡിസ്ക്, ഇന്‍ര്‍നെറ്റ് മോഡം എന്നിവ പൊലീസ് പിടിച്ചെടുത്തു. കൂടുതല്‍ പരിശോധനയ്ക്കായി ഇവ ഫോറന്‍സിക്
ലാബിലേക്ക് അയച്ചു. ഗൂഗിള്‍ സൌജന്യമായി നല്‍കുന്ന ബ്ലോഗ് സ്പോട്ടില്‍ വിചിത്ര കേരളം എന്ന വെബ്സൈറ്റ് നിര്‍മിച്ചാണു സമുദായത്തിന് അപമാനകരമായ ആശയങ്ങള്‍ പ്രചരിപ്പിച്ചത്.

സൈബര്‍ പൊലീസ് ഗൂഗിളിന്റെ അധികൃതരുമായി ബന്ധപ്പെട്ടു കംപ്യൂട്ടറിന്റെ ഐപി അഡ്രസ് കണ്ടെത്തിയാണു പ്രതിയെ  കുടുക്കിയത്. ജോര്‍ജ് ജോസ്ഫ് എന്ന വ്യാജ പേരുപയോഗിച്ചാണു ബ്ലോഗ് നിര്‍മിച്ചത്. ഡിവൈഎസ്പിമാരായ ജെ. സുകുമാരപിളള, ഇ.എസ്. ബിജുമോന്‍, ഹൈടെക് സെല്‍ എസി: വിനയകുമാരന്‍ നായര്‍, സിഐ: വി.കെ. അജിത് മോഹന്‍ തുടങ്ങിയവരടങ്ങുന്ന സംഘമാണു പ്രതിയെ അറസ്റ്റ് ചെയ്തത്.

കടപ്പാട് – മനോരമ

തിരുവനന്തപുരം: സി.പി.എം. സംസ്ഥാന സെക്രട്ടറി പിണറായി വിജയന് കൊട്ടാരസദൃശ്യമായ വസതിയുണ്ടെന്ന് പ്രചരിപ്പിച്ച ഇ-മെയിലിന് പിന്നില്‍ പ്രവര്‍ത്തിച്ച രണ്ടു പേരെ സൈബര്‍ ക്രൈം പോലീസ് അറസ്റ്റ് ചെയ്തു. കായംകുളം ഭരണിക്കാവ് കുന്നില്‍വീട്ടില്‍ കെ.ആര്‍.മനോജ് (39), കോട്ടയം ഏറ്റുമാനൂര്‍ ഈസ്റ്റ് ഗേറ്റില്‍ വലിയടത്ത് ഇല്ലത്ത് കാര്‍ത്തിക് (22) എന്നിവരാണ് പോലീസ് പിടിയിലായത്.

വിവാദ ഇ-മെയിലിന് മലയാളത്തിലുള്ള അടിക്കുറുപ്പുകള്‍ നല്‍കി ഇന്റര്‍നെറ്റ് കൂട്ടായ്മകളിലേക്ക് കടത്തിവിട്ടവരാണ് അറസ്റ്റിലായ ഇരുവരും. ഇവര്‍ക്ക് ലഭിച്ച മെയില്‍ തയാറാക്കിയ വ്യക്തിയെക്കുറിച്ച് സൂചന ലഭിച്ചതായും ഇയാള്‍ ഉടന്‍ പിടിയിലാകുമെന്നും അന്വേഷണ ഉദ്യോഗസ്ഥര്‍ അറിയിച്ചു.

സൗദി അറേബ്യയില്‍ ബിസിനസുകാരനായ തൃശ്ശൂര്‍ കുന്നംകുളം കടവല്ലൂര്‍ അമ്പലമുക്കില്‍ വെള്ളിയാട്ടില്‍ വീട്ടില്‍ പ്രമോഷിന്റെ വീടാണ് പിണറായി വിജയന്‍േറതെന്ന പേരില്‍ ഇ-മെയിലുകളിലൂടെ പ്രചരിച്ചത്. പിണറായി വിജയന്റെ വീട് എന്നര്‍ത്ഥം വരുന്ന ഇംഗ്ലീഷ് വിശേഷണവുമായി ലഭിച്ച ഇ-മെയിലില്‍ മാറ്റംവരുത്തി ഇരുവരും മലയാളത്തിലുള്ള അടിക്കുറുപ്പുകളോടെ സുഹൃത്തുക്കള്‍ക്ക് അയച്ചുകൊടുക്കുകയായിരുന്നുവെന്ന് പോലീസ് കണ്ടെത്തി.

‘പിണറായിയില്‍ പണിത വിജയന്റെ കൊട്ടാരമെന്ന്’ വിശേഷണം ചിത്രത്തില്‍ കൂട്ടിച്ചേര്‍ത്തത് ചാര്‍ട്ടേഡ് അക്കൗണ്ടന്റ് വിദ്യാര്‍ത്ഥിയായ കാര്‍ത്തിക്കായിരുന്നു. ‘തൊഴിലാളി നേതാവിന്റെ ആഡംബരവസതിയെന്ന’ വിശേഷണമാണ് വിദേശമലയാളിയായ മനോജ് നല്‍കിയത്. ദക്ഷിണാഫ്രിക്കയില്‍ ജോലിയുള്ള ഇയാള്‍ അവധിക്ക് നാട്ടിലെത്തിയപ്പോള്‍ കരുനാഗപ്പള്ളിയിലെ വീട്ടില്‍വെച്ച് സ്വന്തം കമ്പ്യൂട്ടറില്‍ നിന്നാണ് മറ്റുള്ളവര്‍ക്ക് മെയില്‍ അയച്ചത്. കഴിഞ്ഞ 11 നാണ് ഇയാള്‍ മെയില്‍ തയാറാക്കിയത്. ഇരുവരും ഉപയോഗിച്ച കമ്പ്യൂട്ടറുകള്‍ പോലീസ് പിടിച്ചെടുത്തു. പിടിയിലായവര്‍ക്ക് പരസ്​പരബന്ധമില്ലെന്നും രാഷ്ട്രീയ പിന്‍ബലമില്ലെന്നും പോലീസ് വ്യക്തമാക്കി. ഇവര്‍ തയാറാക്കിയ മെയിലുകളാണ് വ്യാപകമായി പ്രചരിച്ചത്. മലയാളം അടിക്കുറിപ്പ് നല്‍കിയശേഷം ആയിരക്കണക്കിന് ആളുകള്‍ക്ക് ഒരുമിച്ച് ഇ-മെയില്‍ ലഭിക്കുന്ന വിധത്തില്‍ ഇന്റര്‍നെറ്റ് കൂട്ടായ്മകളിലേക്ക് കടത്തിവിടുകയായിരുന്നു.

ഇ-മെയിലിലൂടെ പ്രചരിച്ച ചിത്രമെടുത്തിട്ടുള്ളത്ഒക്ടോബര്‍ 31 നാണെന്ന് അന്വേഷണ ഉദ്യോഗസ്ഥര്‍ പറഞ്ഞു. സിനിമാ ഷൂട്ടിങ്ങിന് വേദിയാകാറുള്ള വീട്ടില്‍ സംഭവദിവസം മലയാളസിനിമയിലെ ഒരു പ്രമുഖ നടന്‍ എത്തിയിരുന്നു.

ഭേദഗതി ചെയ്ത ഐ.ടി. ആക്ട് പ്രകാരം സംസ്ഥാനത്ത് കേസെടുക്കുന്ന ആദ്യസംഭവമാണിത്. കഴിഞ്ഞ 16 നാണ് ഇ-മെയിലിനെക്കുറിച്ച് പിണറായി വിജയന്‍ ഡി.ജി.പി.യ്ക്ക് പരാതി നല്‍കിയത്.

സൈബര്‍ ക്രൈം പോലീസ് സ്‌റ്റേഷന്‍ ഡിവൈ.എസ്.പി. ജെ.സുകുമാരപിള്ള, ഹൈടെക് സെല്‍ ഡിവൈ.എസ്.പി. എന്‍.വിനയകുമാരന്‍ നായര്‍ സി.ഐ.മാരായ വി.കെ. അജിത് മോഹന്‍, ഇ.എസ്. ബിജുമോന്‍, എന്നിവരടങ്ങുന്ന സംഘമാണ് പ്രതികളെ പിടികൂടിയത്. ഇന്റര്‍നെറ്റ് ഉപയോഗിച്ച് അപകീര്‍ത്തിപരമായ പ്രചാരണം നടത്തിയതിന് മൂന്നുവര്‍ഷം വരെ തടവും പിഴയും ലഭിക്കാവുന്ന കുറ്റമാണ് പ്രതികള്‍ക്കെതിരെ എടുത്തിട്ടുള്ളത്. പ്രതികളെ തിരുവനന്തപുരം ജുഡീഷ്യല്‍ ഫസ്റ്റ് ക്ലാസ്-മൂന്ന് കോടതിയില്‍ ഹാജരാക്കി.

ലിങ്ക് – മാതൃഭൂമി

പിണറായിയുടെ വീടിന്റെ വ്യാജചിത്രം: പ്രതി പിടിയില്‍

mangalm discussion forumമംഗളം ദിനപത്രം യൂണികോഡിലാവുകയും വായനക്കാര്‍ക്ക് മാന്യമായ ഭാഷയില്‍ ചര്‍ച്ച ചെയ്യുവാന്‍ ഒരു ചര്‍ച്ചാവേദി ലഭ്യമാക്കുകയും ചെയ്ത മംഗളത്തെയും കാര്‍ന്ന് തിന്നുവാന്‍ അശ്ലീല സൈറ്റുടമകള്‍ എത്തിച്ചേര്‍ന്നു. ആദ്യം ഞാന്‍ കരുതിയത് കുറെ മാസങ്ങള്‍ക്ക് മുമ്പ് കൈരളിയുടെ വെബ്സൈറ്റില്‍ ഒരു ഫ്രീ ക്ലാസ്സിഫൈഡ്സ് ഉണ്ടായിരുന്നു. എന്റെ ബ്ലോഗുകളുടെ പരസ്യം കൊടുത്തതോടെ ആ സംവിധാനം പൂട്ടിക്കെട്ടി. അതുപോലെ മംഗളം ചര്‍ച്ചാവേദിയിലും ഞാന്‍ അംഗമായപ്പോള്‍ അതും പൂട്ടിയതാവും എന്നാണ് കരുതിയത്. തെറ്റിയത് എനിക്കാണ്. എന്റെ ബ്ലോഗില്‍നിന്നും പ്രൊഫൈല്‍ തുറന്ന് ചെന്നപ്പോള്‍ എനിക്ക് കാണുവാന്‍ കഴിഞ്ഞത് അശ്ലീല സൈറ്റുകളുടെ ലിങ്കുകളും ആംഗലേയത്തിലെ ചില പരസ്യങ്ങളുമാണ്. ചിത്രം കാണുവാന്‍ മലയാളം വായിച്ചുനോക്കേണ്ട ആവശ്യമില്ലല്ലോ.

എന്തായാലും പത്രം ഒരു നല്ല കാര്യം ചെയ്തു. തങ്ങളുടെ പേജില്‍ നിന്നും ആ ലിങ്ക് അക്സസ് എടുത്ത് മാറ്റി. ഇത്തരം തെറ്റു ചെയ്യുന്നവരെ നിയമത്തിന്റെ മുന്നില്‍ കൊണ്ടുവരികയും തക്കതായ ശിക്ഷ കൊടുക്കുകയുമാണ് വേണ്ടത്.

ഇപ്പോഴും ചര്‍ച്ചയില്‍ പങ്കെടുക്കുവാന്‍ കഴിയുന്നു.

ബാംഗൂര്‍: വിവാഹാഭ്യര്‍ഥന നിരസിച്ചതിന് ഹൈസ്കൂള്‍ വിദ്യാര്‍ഥിനിയുടെ ചിത്രങ്ങളില്‍ കൃത്രിമം കാട്ടി അശ്ളീല വെബ്സൈറ്റുകളില്‍ പ്രചരിപ്പിച്ച കേസില്‍ എറണാകുളം സ്വദേശി പ്രിന്‍സ് ജോര്‍ജിനെ (20) കോര്‍ ഒാഫ് ഡിടക്റ്റീവ്സിന്റെ (സിഒഡി) സൈബര്‍ പൊലീസ് വിഭാഗം അറസ്റ്റു ചെയ്തു. ഒന്‍പതു മാസത്തെ അന്വേഷണത്തിനൊടുവില്‍ കഴിഞ്ഞ ദിവസം എറണാകുളത്തു നിന്നാണ് ഇയാള്‍ പിടിയിലായതെന്ന് പൊലീസ് പറഞ്ഞു.കഴിഞ്ഞ വര്‍ഷമാണ് കേസിനാസ്പദമായ സംഭവം. ഐടി കമ്പനി ജീവനക്കാരനായ പ്രിന്‍സ് കന്റോണ്‍മെന്റിലെ പേയിങ് ഗസ്റ്റ് ഹോസ്റ്റലില്‍ താമസിക്കുമ്പോഴാണ് ഉടമയുടെ മകളായ വിദ്യാര്‍ഥിനിയെ പരിചയപ്പെടുന്നത്. പ്രണയാഭ്യര്‍ഥനയും വിവാഹാഭ്യര്‍ഥനയുമായി പെണ്‍കുട്ടിയെ ശല്യപ്പെടുത്താന്‍ തുടങ്ങിയതോടെ പ്രിന്‍സിനെ ഹോസ്റ്റലില്‍ നിന്ന് ഇറക്കിവിട്ടു. ഇതില്‍ രോഷം പൂണ്ട്, പെണ്‍കുട്ടിയുടെ ചിത്രങ്ങള്‍ ഉപയോഗിച്ചു ബ്ളാക്ക്മെയില്‍ തുടങ്ങി. ചിത്രങ്ങളെല്ലാം അശ്ളീല വെബ്സൈറ്റുകളില്‍ കയറ്റിവിട്ടു. പെണ്‍കുട്ടിയുടെ പിതാവ് സൈബൈര്‍ പൊലീസില്‍ പരാതി നല്‍കിയപ്പോള്‍ പ്രിന്‍സ് നഗരത്തില്‍ നിന്നു മുങ്ങുകയായിരുന്നു.
കടപ്പാട്- മനോരമ 10-02-08
മംഗളത്തിലെ വാര്‍ത്തയായിരിക്കും ഇതെന്ന് കരുതി ഒഴിവാക്കിയത് തുറന്ന് നോക്കിയപ്പോള്‍ വ്യത്യാസം.

വിദ്യാര്‍ഥിനിയുടെ അശ്ലീല വെബ്സൈറ്റ് നിര്‍മിച്ച മലയാളി അറസ്റ്റില്‍

ബാംഗ്ലൂര്‍: പതിമൂന്നു വയസുകാരിയുടെ ചിത്രങ്ങള്‍ മോര്‍ഫ് ചെയ്ത് അശ്ലീല വെബ്സൈറ്റ് നിര്‍മിച്ച കേസില്‍ മലയാളിയെ ബാംഗ്ലൂര്‍ സി.ഒ.ഡി പോലിസ് കൊച്ചിയില്‍ നിന്ന് അറസ്റ്റുചെയ്തു. എറണാകുളം സ്വദേശി പ്രിന്‍സ് ജോര്‍ജാണ് (21) പിടിയിലായത്.

ബാംഗ്ലൂര്‍ നിവാസിനിയായ വിദ്യാര്‍ഥിനിയോട് വിവാഹാഭ്യര്‍ഥന നടത്തി പരാജയപ്പെട്ടതിനെ തുടര്‍ന്നാണ് വെബ്സൈറ്റ് നിര്‍മിച്ച് ഭീഷണിപ്പെടുത്തിയതെന്ന് സി.ഒ.ഡി (കോര്‍പ്സ് ഓഫ് ഡിറ്റക്ടീവ്) പോലിസ് സൂപ്രണ്ട് ഡോ. ബി.എ മഹേഷ് പറഞ്ഞു.

വിദ്യാര്‍ഥിനിയുടെ വ്യാജപേരിലാണ് അക്കൌണ്ട് നിര്‍മിച്ചത്. ഇന്റര്‍നെറ്റിലൂടെ വ്യാപകമായി ചിത്രങ്ങള്‍ കൈമാറ്റം ചെയ്യുകയും ചെയ്തു.

എറണാകുളത്തെ കോളജില്‍ വിദ്യാര്‍ഥിയായിരുന്ന പ്രിന്‍സ് 2004 ലാണ് ബാംഗ്ലൂരില്‍ ജോലി തേടി എത്തിയത്. വീട്ടിലേക്ക് പതിവായി ഫോണ്‍കാളുകള്‍ വരാന്‍ തുടങ്ങിയതോടെ വിദ്യാര്‍ഥിനിയുടെ അച്ഛന്‍ സൈബര്‍ പോലിസില്‍ പരാതി നല്‍കി. ഇതേതുടര്‍ന്ന് പ്രിന്‍സ് ബാംഗ്ലൂര്‍ വിടുകയായിരുന്നു.സംസ്ഥാനത്തെ ആദ്യ ‘സൈബര്‍ സ്റ്റാക്കിംഗ്’ കേസാണിത്.

കടപ്പാട്- മാധ്യമം 11-02-08 

ബംഗളുരു: പ്രണയാഭ്യര്‍ഥന നിരസിച്ച പതിമൂന്നു വയസുകാരിയെയും കുടുംബത്തെയും അപകീര്‍ത്തിപ്പെടുത്താന്‍ അവരുടെ പേരില്‍ അശ്ലീല വെബ്‌ സൈറ്റ്‌ നിര്‍മിച്ച മലയാളി അറസ്‌റ്റില്‍. ബംഗളുരുവില്‍ കോള്‍സെന്റര്‍ ജീവനക്കാരനായ കോട്ടയം മാമ്മൂട്‌ സ്വദേശി വിനോദ്‌ ജോണാണ്‌ (21) അറസ്‌റ്റിലായത്‌. വ്യാഴാഴ്‌ച എറണാകുളത്തു നിന്നാണു ബംഗളുരു പോലീസ്‌ വിനോദിനെ കസ്‌റ്റഡിയിലെടുത്തത്‌.

ബംഗളുരുവില്‍ അയല്‍വാസിയായ പതിമൂന്നുവയസുകാരി പ്രണയാഭ്യര്‍ഥന നിരസിച്ചതിനെത്തുടര്‍ന്നാണു പ്രതി ഇവരുടെ കുടുംബത്തെ അപകീര്‍ത്തിപ്പെടുത്താനായി അശ്ലീല വെബ്‌സൈറ്റ്‌ നിര്‍മിച്ചത്‌.

പെണ്‍കുട്ടിയുടെ വീട്ടിലെത്തി വിവാഹാഭ്യര്‍ഥന നടത്തിയ വിനോദിനെ പെണ്‍കുട്ടിയുടെ വീട്ടുകാര്‍ തിരിച്ചയച്ചിരുന്നു. തുടര്‍ന്നു പ്രതി പെണ്‍കുട്ടിയുടെ പേരില്‍ അശ്ലീല വെബ്‌സൈറ്റ്‌ നിര്‍മിച്ചു കുടുംബത്തെപ്പറ്റിയുള്ള വിവരങ്ങള്‍ ഉള്‍പ്പെടുത്തുകയും നിരവധി അശ്ലീല വെബ്‌സൈറ്റുകളിലേക്ക്‌ ലിങ്ക്‌ നല്‍കുകയും ചെയ്‌തു. ഇന്റര്‍നെറ്റില്‍ സൈറ്റ്‌ പ്രത്യക്ഷപ്പെട്ടതോടെ പെണ്‍കുട്ടിയുടെ വീട്ടിലേക്ക്‌ അജ്‌ഞാത ഫോണ്‍ കോളുകള്‍ വരാന്‍ തുടങ്ങി. ശല്യം സഹിക്കാനാകാത്ത ഇവര്‍ കഴിഞ്ഞ മേയില്‍ ബംഗളുരു പോലീസില്‍ പരാതി നല്‍കുകയായിരുന്നു. പോലീസിന്റെ അന്വേഷണത്തില്‍ വിനോദിന്റെ ബംഗളുരുവിലെ മേല്‍വിലാസം തെറ്റാണെന്നു കണ്‌ടെത്തി. വിനോദ്‌ നല്‍കിയിരുന്ന കോണ്‍ടാക്‌റ്റ് നമ്പറുകളും വ്യാജമായിരുന്നു. പോലീസ്‌ അന്വേഷണത്തെക്കുറിച്ചറിഞ്ഞ വിനോദ്‌ ബംഗളുരു വിട്ടു. ഇതറിഞ്ഞ ബംഗളുരു പോലീസ്‌ കേരള പോലീസിലെ ഹൈടെക്‌ സെല്ലുമായി ബന്ധപ്പെടുകയും വിനോദിന്റെ നാട്ടിലെ വിലാസം കണ്‌ടെത്തുകയുമായിരുന്നു. രണ്ടുമാസം മുമ്പു ബംഗളുരു പോലീസ്‌ മാമ്മൂട്ടിലെത്തി അന്വേഷണം നടത്തിയെങ്കിലും വിനോദിനെ കണ്‌ടെത്താനായില്ല. കഴിഞ്ഞദിവസം വിനോദ്‌ കേരളത്തിലെത്തിയതായി വിവരം ലഭിച്ച ബംഗളുരു പോലീസ്‌ കേരളത്തിലെത്തി വിനോദിന്റെ മൊബൈല്‍ ഫോണ്‍ നമ്പര്‍ കണ്‌ടെത്തി. മൊബൈല്‍ ഫോണില്‍ വിനോദിനെ വിളിച്ച്‌ എവിടെയുണ്‌ടെന്നന്വേഷിച്ചു. മൊബൈല്‍ ഫോണ്‍ കമ്പനിയുടെ സഹായവും തേടി. തൃക്കാക്കര മുത്തൂറ്റ്‌ ടവറിലുണ്ടായിരുന്ന വിനോദിനെ കേരളപോലീസിന്റെ സഹായത്തോടെ ബംഗളുരു പോലീസ്‌ അറസ്‌റ്റ് ചെയ്ുകയായിരുന്നുയ.

പ്രതി കുറ്റം സമ്മതിച്ചതായി ബംഗളുരു സൈബര്‍ ക്രൈം എസ്‌.പി ഡോ: ബി.എ. മഹേഷ്‌ പറഞ്ഞു. ബംഗളുരുവില്‍ മൂന്നുവര്‍ഷം എത്തിയ വിനോദ്‌ കോള്‍സെന്റര്‍ ജോലിക്കൊപ്പം പഠനം നടത്തുകയും ഇംഗ്ലീഷില്‍ ബിരുദാനന്തര ബിരുദം നേടുകയും ചെയ്‌തു. പിന്നീട്‌ ബംഗളുരുവിലെ ഒരു സോഫ്‌റ്റ്വേര്‍ സ്‌ഥാപനത്തില്‍ ഇന്‍ഫര്‍മേഷന്‍ ഓഫീസറായും ജോലി നോക്കി. ഐ.ടി. നിയമത്തിലെ സെക്ഷന്‍ 67 പ്രകാരമാണ്‌ വിനോദിനെ അറസ്‌റ്റ് ചെയ്‌തത്‌. കുറ്റം തെളിഞ്ഞാല്‍ ഇയാള്‍ക്ക്‌ ഒരു ലക്ഷം രൂപ വരെ പിഴയും അഞ്ചു വര്‍ഷം വരെ തടവും ലഭിക്കാം. പ്രായപൂര്‍ത്തിയാകാത്ത പെണ്‍കുട്ടിയെ അപകീര്‍ത്തിപ്പെടുത്താന്‍ അശ്ലീല വെബ്‌സൈറ്റ്‌ നിര്‍ച്ച കേസ്‌ ബംഗളുരുവില്‍ ആദ്യമാണന്നു പോലീസ്‌ വൃത്തങ്ങള്‍ പറഞ്ഞു.

കടപ്പാട്- മംഗളം 10-02-08

അധ്യാപികയുടെ നഗ്നചിത്രം നെറ്റിലിട്ട മൂന്ന് വിദ്യാര്‍ത്ഥികള്‍ പിടിയില്‍
പെരുമ്പാവൂര്‍: അധ്യാപികയുടെ മോര്‍ഫ് ചെയ്ത നഗ്നചിത്രം ഇന്റര്‍നെറ്റിലൂടെ പ്രദര്‍ശിപ്പിച്ചതിന് പ്രമുഖ മലയാള സിനിമാ നിര്‍മ്മാതാവിന്റെ മകന്‍ ഉള്‍പ്പെടെ മൂന്ന് വിദ്യാര്‍ത്ഥികള്‍ പെരുമ്പാവൂര്‍ പൊലീസിന്റെ കസ്റ്റഡിയിലായി.
പെരുമ്പാവൂരിന് സമീപമുളള സ്വകാര്യ കോളേജിലെ അധ്യാപികയുടെ തല മറ്റാരുടെയോ നഗ്നചിത്രത്തില്‍ മോര്‍ഫ് ചെയ്ത് കയറ്റി അശ്ലീല വെബ്സെറ്റ് ഉണ്ടാക്കി പ്രദര്‍ശിപ്പിക്കുകയായിരുന്നു. “ദമ്പതികള്‍ക്ക് എങ്ങനെ ദാമ്പത്യജീവിതം നയിക്കാം” എന്ന പേരിലാണ് വെബ്സെറ്റ് ഉണ്ടാക്കിയിരുന്നത്. അധ്യാപികയുടെ ഇ മെയില്‍ അഡ്രസും മൊബൈല്‍ ഫോണ്‍ നമ്പരും സൈറ്റില്‍ ചേര്‍ത്തിട്ടുണ്ട്. ഫോണില്‍ കാളുകള്‍ വന്നതിനെ തുടര്‍ന്ന് അധ്യാപിക ബി.എസ്.എന്‍.എല്ലിന് നല്‍കിയ പരാതിയുടെ അടിസ്ഥാനത്തിലാണ് പൊലീസ് അന്വേഷണം തുടങ്ങിയത്. വിദ്യാര്‍ത്ഥികളെ കസ്റ്റഡിയിലെടുത്തെങ്കിലും അറസ്റ്റ് രേഖപ്പെടുത്തിയിട്ടില്ല. വിദ്യാര്‍ത്ഥികളുടെ ലാപ്ടോപ് കമ്പ്യൂട്ടര്‍ തുടങ്ങിയവയും പൊലീസ് പിടിച്ചെടുത്തിട്ടുണ്ട്.

കടപ്പാട്- കേരളകൗമുദി 10-01-08

രാജ്യത്തെ ആദ്യ സൈബര്‍ കേസ്: കീഴ്ക്കോടതി വിധി ശരിവച്ചു 

പത്തനംതിട്ട: രാജ്യത്തെ ആദ്യ സൈബര്‍ കേസില്‍ കീഴ്ക്കോടതി വിധി പത്തനംതിട്ട ജില്ലാ അഡീഷണല്‍ ജില്ലാ ജഡ്ജി (അതിവേഗം നമ്പര്‍ രണ്ട്) ടി.യു മാത്തുക്കുട്ടി ശരിവച്ചു.

ജനശ്രദ്ധയാകര്‍ഷിച്ച കേസില്‍ പ്രതികളായ പെരുമ്പാവൂര്‍ ആനന്ദഭവനം അനീഷ് ബാലന്‍, പിതാവ് ടി.എസ് ബാലന്‍ എന്നിവരെ പത്തനംതിട്ട ചീഫ് ജുഡീഷ്യല്‍ മജിസ്ട്രേറ്റ് കെ. ഹരിദാസ് ശിക്ഷിച്ചത്.

ഐ.ടി ആക്ട് 66-ാം വകുപ്പുപ്രകാരം കംപ്യൂട്ടര്‍ സിസ്റ്റത്തില്‍ അതിക്രമിച്ചുകടന്നതിന് രണ്ടുവര്‍ഷം കഠിനതടവും, 67-ാം വകുപ്പ് കംപ്യൂട്ടര്‍ സിസ്റ്റത്തിലൂടെ നഗ്നചിത്രങ്ങള്‍ പ്രദര്‍ശിപ്പിക്കല്‍ പ്രകാരം മൂന്നുവര്‍ഷം കഠിനതടവും 25,000 രൂപ പിഴയും, ഇന്ത്യന്‍ ശിക്ഷാനിമയം 120 ബി കുറ്റകരമായ ഗൂഢാലോചന വകുപ്പനുസരിച്ച് ആറുമാസം കഠിനതടവും, അപകീര്‍ത്തിപ്പെടുത്താനായി കൃത്രിമരേഖ ചമയ്ച്ചതിന് ഒരുവര്‍ഷം കഠിനതടവും പതിനായിരം രൂപ പിഴയുമാണ് ശിക്ഷവിധിച്ചത്.

ഇവയില്‍ 66-ാം വകുപ്പ് വ്യക്തമായി തെളിയിക്കപ്പെട്ടിട്ടില്ലാത്തതിനാല്‍ അതിന്റെ ശിക്ഷയില്‍ നിന്നും മാത്രം പ്രതികളെ ഒഴിവാക്കി മറ്റു വകുപ്പിലെ ശിക്ഷ അതേപടി ശരിവച്ചാണ് കോടതി വിധിപറഞ്ഞത്.

കേസിലെ വാദിയായ ഇന്ത്യന്‍ പെന്തക്കോസ്ത് സഭയുടെ അധ്യക്ഷന്‍ ടി.എസ് ഏബ്രഹാമിനുവേണ്ടി അഡ്വ. സലിം കാമ്പിശേരിയും, സര്‍ക്കാര്‍ ഭാഗത്തേക്ക് അഡീഷണല്‍ പബ്ളിക് പ്രോസിക്യൂട്ടര്‍ സി.ഒ ഐപ്പും ഹാജരായി.

കുമ്പനാട് ആസ്ഥാനമായ ഇന്ത്യന്‍ പെന്തക്കോസ്തു സഭയുടെ ജനറല്‍ സെക്രട്ടറി പാസ്റ്റര്‍ ടി.എസ് ഏബ്രഹാം, മകന്‍ വത്സന്‍ ഏബ്രഹാം, മകള്‍ സ്റ്റാര്‍ലാ ലൂക്ക് എന്നിവരെ അപകീര്‍ത്തിപ്പെടുത്തുന്നതിനായി വ്യാജ ഇ- മെയില്‍ വിലാസം ഉണ്ടാക്കി ഇന്റര്‍നെറ്റ് വഴി മോര്‍ഫു ചെയ്ത അശ്ളീല ചിത്രങ്ങളും സന്ദേശങ്ങളും പ്രചരിപ്പിച്ചുവെന്നായിരുന്നു കേസ്.

കടപ്പാട്- ദീപിക 10-01-08

Anoni

ചിത്രം കടപ്പാട്- മനോരമ

ഓര്‍ക്കുട്ടില്‍ സിന്ധുജോയിയുടെ വ്യാജ പ്രൊഫൈല്‍; രണ്ടുപേര്‍ അറസ്റ്റില്‍
തിരുവനന്തപുരം: സൌഹൃദ വെബ്സൈറ്റായ ഓര്‍ക്കുട്ടില്‍ എസ്.എഫ്.ഐ സംസ്ഥാന പ്രസിഡന്റ് സിന്ധു ജോയിയുടെ വ്യാജ പ്രൊഫൈല്‍ തയാറാക്കിയ സംഭവവുമായി ബന്ധപ്പെട്ട് രണ്ടുപേരെ പോലിസ് അറസ്റ്റ് ചെയ്തതായി സിറ്റി പോലിസ് കമീഷണര്‍ രവത ചന്ദ്രശേഖര്‍ അറിയിച്ചു.

തിരുവനന്തപുരം സെന്റര്‍ ഫോര്‍ മാനേജ്മെന്റ് ഡെവലപ്മെന്റില്‍ ഉദ്യോഗസ്ഥരായ അശോക്കുമാര്‍, പ്രശോഭ് കുമാര്‍ എന്നിവരാണ് പോലിസ് പിടിയിലായത്. രണ്ട് മാസം മുമ്പ് സിന്ധു ജോയി നല്‍കിയ പരാതിയുടെ അടിസ്ഥാനത്തില്‍ പോലിസ് നടത്തിയ അന്വേഷണത്തിനൊടുവിലാണ് പ്രതികള്‍ വലയിലായത്. ഏതാനും ആഴ്ചകളായി പോലിസ് ഇവരെ നിരീക്ഷിച്ച് വരികയായിരുന്നു. അശ്ലീല ചിത്രങ്ങളൊന്നും കണ്ടെടുത്തിട്ടില്ല. എന്നാല്‍ ഇവര്‍ക്ക് മറ്റ് ചിലരുമായുള്ള ബന്ധത്തെക്കുറിച്ച് ലഭിച്ച സൂചനയുടെ അടിസ്ഥാനത്തില്‍ അന്വേഷണം ഊര്‍ജിതമാക്കിയിട്ടുണ്ടെന്ന് കമീഷണര്‍ അറിയിച്ചു.

കടപ്പാട്- മാധ്യമം

ഓര്‍ക്കുട്ടില്‍ സിന്ധുജോയിയുടെ വ്യാജ പ്രൊഫൈല്‍, രണ്ടുപേര്‍ പിടിയില്‍   (ദാറ്റ്സ് മലയാളം വാര്‍ത്ത)

“മലയാളം ബ്ലോഗിങ്ങും ഞരമ്പ് രോഗികളും!”

ഇഞ്ചിപ്പെണ്ണ്‌ നല്ലൊരു ചര്‍ച്ച തുടങ്ങിവെച്ചിരിക്കുന്നു. എന്നാല്‍ ഈ ഞരമ്പ്‌ രോഗങ്ങള്‍ സ്ത്രീകള്‍ക്ക്‌ നേരെ മാത്രമല്ല പലപ്പോഴും പലരെയും ബാധിക്കുന്ന ഒന്നാണ്. സ്വന്തം ഐ.പിയും ഐഡന്റിറ്റിയും മറച്ചു വെച്ചിട്ട്‌ ചൊറിച്ചുലുണ്ടാക്കുന്ന പോസ്റ്റുകളിടുകയും മറ്റുള്ളവരുടെ പോസ്റ്റുകളില്‍ പോയി അത്തരത്തിലുള്ള കമെന്റിടുകയും ചെയ്യുന്നവര്‍ കാര്യമായ നിയമങ്ങളും നിയന്ത്രണങ്ങളുമില്ലാത്ത ഇന്റെര്‍നെറ്റില്‍ തുടരുന്നത്‌ അനുവദിക്കുവാന്‍ പാടില്ല. ബ്ലോഗുകളിലെ ഇത്തരം പ്രവണതകള്‍ക്കെതിരെ ഫലപ്രദമായി പരാതിപ്പെടുവാനും നടപടികള്‍ ഉണ്ടാകുവാനും സംവിധാനങ്ങള്‍ ഉണ്ടാകേണ്ടിയിരിക്കുന്നു.

സൈബര്‍ കുറ്റകൃത്യങ്ങള്‍ പലരാജ്യങ്ങളിലെയും ഭരണ നിര്‍വഹണത്തെപ്പോലും ബാധിക്കുവാന്‍ കഴിവുള്ളതണെന്നിരിക്കെ വെറും ബ്ലോഗറായ ഒരു സാധാരണക്കാരന് എന്ത്‌ സംരക്ഷണമാണ് ലഭിക്കുക. ഈ വിഷയത്തില്‍ ചര്‍ച്ചകള്‍ തുടരുകയും നല്ല നിര്‍ദ്ദേശങ്ങള്‍ വേണ്ടപ്പെട്ടവരെ വേണ്ടസമയത്ത്‌ അറിയിക്കുകയും വേണം.

മുന്‍‌കാലങ്ങളില്‍ നിന്ന്‌ വ്യത്യസ്തമായി ബൂലോഗ കൂട്ടായ്മകളും മറ്റും നടത്തി ചിത്രങ്ങളും ഐഡന്റിറ്റിയും വെളിപ്പെടുത്തിക്കൊണ്ട്‌ ബ്ലോഗുകള്‍ പെരുകുമ്പോള്‍ അത്‌ പലരുടെയും സ്വൈരം കെടുത്തുന്നതായി മാറുകയാണ് ചെയ്യുന്നത്‌. മലയാളം ബ്ലോഗര്‍മാര്‍ക്കിടയില്‍ മലയാളികള്‍ തന്നെ ഇരയായി മാറുന്നത്‌ ശരിയല്ല. നമ്മള്‍ വരും തലമുറയ്ക്ക്‌ മാതൃകയാകേണ്ടവര്‍ അവരെ വഴിതെറ്റിക്കുന്നവരായി മാറുവാന്‍ പാടില്ല. കൂട്ടം ചേര്‍ന്ന്‌ ചില  സംശയങ്ങളുടെ പേരില്‍ ശക്തനായ പുരുഷ ബ്ലോഗര്‍ക്കെതിരെ ആഞ്ഞടിക്കുന്നതും നമ്മള്‍ കണ്ടതാണല്ലോ.

മാതൃകയാക്കുവാന്‍ കഴിയുന്ന നല്ല നല്ല ബ്ലോഗര്‍മാരും ബ്ലോഗിനികളും നമ്മുടെ ഇടയില്‍ തന്നെ ഉണ്ട്‌. അവരെപ്പോലും വെറുതേ വിടാത്ത ഒരവസ്ഥയാണ് ഇന്ന്‌ നിലവിലുള്ളത്‌. സ്വന്തം ഐഡന്റിറ്റിയും മേല്‍വിലാസവും വെളിപ്പെടുത്തിയിട്ടുള്ളവര്‍ പോലും പിണങ്ങിപോകുന്നതും ബ്ലോഗുകള്‍ അവസാനിപ്പിക്കുന്നതും സാഹചര്യങ്ങളുടെ സമ്മര്‍ദ്ദം മൂലമാണ്.

പുരുഷബ്ലോഗര്‍മാരെക്കാള്‍ ബ്ലോഗിനികളാണ് കൂടുതലായി ആക്രമിക്കപ്പെടുന്നത്‌ എന്നത്‌ മറ്റൊരു സത്യം. പുതുതായി വരുന്ന സ്ത്രീ ബ്ലോഗര്‍മാര്‍ക്ക്‌ വേണ്ട മാര്‍ഗനിര്‍ദ്ദേശങ്ങളും സഹായങ്ങളുമായി മുന്നോട്ട്‌ പോകുകതന്നെവേണം. ഭയന്നോടുന്നത്‌ ഭീരുത്വമാണ് അത്‌ ഇത്തരം ഞരമ്പ്‌രോഗികള്‍ക്ക്‌ കൂടുതല്‍ ആവേശം പകരുകയേ ഉള്ളു. ഞാന്‍ വന്നുചേര്‍ന്നപ്പോഴുള്ള ബൂലോഗം ഒരുമയുടെയും സാഹോദര്യത്തിന്റെയും സഹകരണത്തിന്റെയും സഹായങ്ങളുടെയും പ്രതീകമായിരുന്നു. ഇന്നത്‌ വഴിമാറി മലയാളികള്‍ക്കുതന്നെ നാണക്കേട്‌ വരുത്തിവെയ്ക്കുവാനും ഭാവിയില്‍ അത്‌ വിലയിരുത്തപ്പെടുവാനും സാഹചര്യമൊരുക്കുകയാണ്.

ആമസോണ്‍ നദീ തീരങ്ങളില്‍ നഗ്നരായി ജീവിക്കുന്നവരല്ല നമ്മള്‍ ഭാര്യയും ഭര്‍ത്താവും അമ്മ പെങ്ങന്മാരും മക്കളും മുത്തച്ഛനും മുത്തച്ഛിയുമൊക്കെ അടങ്ങിയ ഒരു സമൂഹമാണ്. സ്വന്തം കുടുമ്പത്തില്‍ പോലും സ്വൈരം കൊടുക്കാത്തവര്‍ ഇവിടെയും അങ്ങിനെതന്നെ ആയിരിക്കും. അവരെ ഒതുക്കേണ്ടത്‌ ഒരാവശ്യം തന്നെയാണ്.